Չեչնիայի ղեկավար Ռամզան Քադիրովն ուժային մարզումներ է անցկացրել, այդ թվում՝ ծանրաձողի բարձրացմամբ պառկած վիճակում:

Ինչպես հայտնում է РИА Новости-ն, Քադիրովը մարզվել է Չեչնիայի պետական ֆիլհարմոնիայի մենակատարների հետ միասին, իսկ մարզումների տեսանյութը հրապարակել է ВКонтакте սոցցանցում:

«Կարևոր է կանոնավոր աշխատել՝ հաղթահարելով մարդկային հոգեբանությանը բնորոշ ծուլությունն ու հոգնածությունը: Լիարժեք մարզումները ծանր աշխատանք են պահանջում»,-  տեսանյութին կից գրել է չեչեն գործիչը:

Վերջինս ընդգծել է, որ «մարզումները բացառիկ ինտենսիվությամբ են ընթացել»՝ ներառելով կարդիոծանրաբեռնվածություն և ուժային վարժություններ: