Ադրբեջանական վաղաժամ պլանավորված ոգործողությունների մասին հարց է հնչել Հայկական միասնական տեղեկատվական կենտրոնի ասուլիսի ընթացքում: ՊՆ ներկայացուցիչ Արծրուն Հովհաննիսյանը հայտնել է.

«Գործողություններին զուգահեռ ադրբեջանական պաշտոնական լրահոսում հայտնվել են համապատասխան հայտարարություններ, իբր հայակական կողմը կատարել է համապատասխան սադրանք, և իբր իրենք պատասխանում են մեզ: Մեր մասնագետների, մեր գործընկերների կողմից ներկայացվել են բազում փաստեր՝ սկսած օրեր առաջ ադրբեջանական լրահոսում երևացող տարատեսակ պլանավորված գործողությունների վերաբերյալ, Թուրքիայի և Ադրբեջանի օդային հաղորդակցության նյութերի վերաբերյալ, նաև այսօր առավոտյան՝ անմիջապես գորոծողություններից րոպեներ անց ադրբեջանական և թուրքական լրատվամիջոցների ինտենսիվ աշխատանքը բուն մարտական գործողությունների շրջանից, դրանից հետո Ադրբեջանի պաշտոնական հաղորդագրությունն այն մասին, թե իրենք իբր մեր գործողություններից հետո անցնում են լայնամասշտաբ «հակահարձակողական» օպերացիայի: Այս ամենը գալիս է ապացուցելու, որ Ադրբեջանն այս ամենը պլանավորել էր մանրակրկիտ»,- ասաց Հովհաննիսյանը: