Մոլդովայի արտաքին գործերի և եվրոպական ինտեգրման նախարարությունը մտահոգություն է հայտնել կիրակի օրը Լեռնային Ղարաբաղի հակամարտության գոտում ռազմական գործողությունների վերսկսման կապակցությամբ: Այս մասին հայտնում է ՏԱՍՍ-ը։

«Մենք կոչ ենք անում լարվածությունը թուլացնել և վերադառնալ երկխոսության առկա ձևաչափերին: Տարածաշրջանում խաղաղությունն ու անվտանգությունը կարևոր են Մոլդովայի ավանդական գործընկեր երկու երկրների և ժողովուրդների զարգացման և բարգավաճման համար», - ասված է հայտարարության մեջ: