Ղազախստանը Հայաստանին և Ադրբեջանին կոչ է արել բանակցություններ սկսել և պատրաստակամություն է հայտնել աջակցել միջազգային կազմակերպությունների հարթակներում հակամարտության լուծման խաղաղ ուղիներ փնտրելու գործում։ РИА Новости լրատվական գործակալության փոխանցամբ՝ այս մասին հայտարարել է Ղազախստանի ԱԳՆ-ը։

«Ղազախստանի Հանրապետությունը մեծապես մտահոգված է հայ-ադրբեջանական հակամարտության սրմամբ, որը տեղի է ունեցել 2020 թվականի սեպտեմբերի 27-ին Լեռնային Ղարաբաղում։ Մեզ համար բարեկամական Ադրբեջանի Հանրապետությանը և Հայաստանի Հանրապետությանը կոչ ենք անում բոլոր միջոցները ձեռնարկել իրավիճակի կայունացման համար, հրաժարվել ուժի կիրառումից և անցնել բանակցությունների։ Պատրաստ ենք աջակցել միջազգային կազմակերպությունների հարթակներում հակամարտության լուծման խաղաղ ուղիներ փնտրելու գործում», – նշված է Ղազախստանի ԱԳՆ-ի հայտարարությունում։