«Դեմոկրատական այլընտրանք» կուսակցության Քաղաքական խորհրդի հայտարարությունը

Կոպտորեն խախտելով միջազգային պարտավորությունները, 1994 թ. հրադադարի մասին եռակողմ համաձայնագիրը, ինչպես նաև արհամարհելով միջազգային հորդորները, ս.թ. սեպտեմբերի 27-ի առավոտյան ադրբեջանական բանակը Արցախի հետ շփման ողջ երկայնքով անցել է հարձակման:
Ադրբեջանը, Թուրքիայի բացահայտ աջակցությամբ, Արցախի Հանրապետության նկատմամբ սկսել է փաստացի պատերազմ՝ թիրախավորելով նաև բնակավայրեր և խաղաղ բնակչությանը:
Բաքվի ռազմատենչ քաղաքականության, նրա կողմից 1994 թ. հրադադարի մասին եռակողմ համաձայնագիրը խախտելու, Անկարայի դեստրուկտիվ վարքագծի, ադրբեջանա-թուրքական ագրեսիայի զսպմանն ուղղված միջազգային արդյունավետ գործիքների բացակայության հետևանքով բանակցային գործընթացը մտել է փակուղի։
Այս իրավիճակում «Դեմոկրատական այլընտրանք» կուսակցությունը կարևորում է․
-համազգային կոսնսոլիդացիան Հայաստանի և Արցախի Հանրապետությունների, մեր հերոսական բանակի շուրջ,
-համազգային մոբլիզացիան՝ մեզ պարտադրված պատերազմում հնարվորինս նվազ կորուստներով թշնամուն խաղաղություն պարտադրելու համար,
-Հայաստանի կողմից Արցախի հանրապետության ճանաչումը՝ որպես նոր ստատուս-քվոյի ամրագրում,
-նախաձեռնողական արտաքին քաղաքականության իրականացումը՝ գործընկեր պետությունների, միջնորդ երկրների համար հայկական կողմի դիրքորոշումները ընկալելի դարձնելու համար։