Ամերիկահայ բժիշկ և պրոդյուսեր Էրիկ Իսրայելյանը գրառում է կատարել իր թվիթերյան էջում՝ հորդորելով միջազգային հանրությանը դիվանագիտական միջոցներ գործի դնել՝ կանխելու համար իրավիճակի սրումն Արցախում:

«Հայերն Արցախում հարձակման են ենթարկվել: Աղոթում ենք խիզախ կանանց և տղամարդկանց համար, որոնք վտանգում են իրենց կյանքն Արցախն ու Հայաստանը պաշտպանելու համար: Լուրերը շփոթության մեջ են գցում. «բախումներ» տեղի չեն ունենում: Հայաստանը դարձել է չհրահրված ադրբեջանական հարձակումների զոհը»,- գրել է Իսրայելյանը:

Վերջինս կիսվել է Քիմ Քարդաշյանի գրառմամբ և նույնպես հորդորել իր հետևորդներին Ամերիկայի «Հայ դատի» գրասենյակի կայքի միջոցով դիմել Սպիտակ տանն ու ԱՄՆ Կոնգրեսին՝ կոչ անելով դադարեցնել Ադրբեջանին հատկացվող ռազմական օգնությունը: