Ըստ աղբյուրների և մոնիտորինգի բաց ռեսուրսների, որոնք թույլ են տալիս վերահսկել իրավիճակը օդային տարածքում, վերջին 24 ժամվա ընթացքում մեծ թվով ռուսական ռազմական ինքնաթիռներ Ռուսաստանի տարածքից տեղափոխվել են Հայաստան:

Տեղափոխումը սկսվել է Հայաստանի և Ադրբեջանի միջև բացահայտ առճակատումից մի քանի ժամ առաջ:

Այսպիսով, ներկայացված տվյալների համաձայն, սեպտեմբերի 26-ի լույս 27-ի գիշերը An-124 ռազմական տրանսպորտային ինքնաթիռը Պլատովի օդանավակայանից (Դոնի Ռոստով) ժամանեց Երևան, և ևս 6 ժամ անց սկսվեց ակտիվ առճակատում երկու երկրների բանակների միջև:

Մի քանի ժամ անց նկատվեց մեկ այլ ռազմական ինքնաթիռ, որը, ենթադրաբար, նույնպես Դոնի Ռոստովով ուղևորվում էր Երևան:

Հայաստանի և Ադրբեջանի միջև հակամարտության սկզբից հետո, Հայաստանի օդային տարածքում, Թուրքիայի հետ սահմանից ոչ հեռու, նկատվեց մեկ այլ ռուսական ռազմական ինքնաթիռ, և ավելին, նշված ինքնաթիռը հնարավոր էր հետևել միայն միացված հաղորդիչով:

Ո՞րն է իրականում ռուսական ռազմական ինքնաթիռների Հայաստան տեղափոխման պատճառը, դեռ հայտնի չէ, սակայն սահմանին իրավիճակի սրման ֆոնին նման գործողությունները բավականին ռիսկային են, քանի որ և՛ Հայաստանը, և՛ Ադրբեջանը ակտիվորեն օգտագործում են իրենց հակաօդային պաշտպանության միջոցները, մասնավորապես, միայն մեկ օրվա ընթացքում արձակվել են մի քանի տասնյակ հրթիռներ, որոնք խոցել են 4 ուղղաթիռ և մոտ 40 անօդաչու թռչող սարք:

politik.am