Ֆրանսիայի նախագահ Էմանուել Մակրոնը և Ադրբեջանի նախագահը հեռախոսազրույց են ունեցել Արցախում ծավալվող ռազմական գործողությունների վերաբերյալ։ Вести Кавказа լրատվամիջոցի փոխանցմամբ՝ հեռախոսազրույցը տեղի է ունեցել ֆրանսիական կողմի նախաձեռնությամբ։

Էմանուել Մակրոնը նշել է, որ Փարիզը մտահոգված է հայ-ադրբեջանական շփման գծում զինված հակամարտությամբ և ընդգծել է հակամարտությունը խաղաղ ճանապարհով լուծելու կարևորությունը։

Իլհամ Ալիևը տեղեկացրել է իր ֆրանսիացի գործընկերոջը սեպտեմբերի 27-ին տեղի ունեցած և մինչև այժմ շարունակվող իրադարձությունների մասին։

Հեռախոսազրույցի ավարտին երկու ղեկավարները պայմանավորվել են շարունակել շփումները դիվանագիտական ալիքներով։