Իսպանացի սենատոր Գորկա Էլեխաբարիետա Դիասն իր թվիթերյան էջում գրառում է կատարել՝ Ադրբեջանին կոչ անելով անհապաղ դադարեցնել ագրեսիան:

«Ադրբեջանը պետք է անհապաղ դադարեցնի իր ագրեսիան և վերսկսի բանակցությունները հակամարտության խաղաղ կարգավորման ուղղությամբ»,- գրել է իսպանացի գործիչը:

Հիշեցնենք, որ երեկ Ադրբեջանի զինուժը լայնածավալ հարձակում է սկսել Արցախում՝ թիրախավորելով նաև խաղաղ բնակչությանը։ Այս պահին Արցախի մարդկային ընդհանուր կորուստները 59 են։ Արցախի զինուժը խոցել է հակառակորդի 5 ուղղաթիռ, 27 անօդաչու թռչող սարք, 33 տանկ և հետևակի մարտական մեքենա, 1 ինժեներական զրահատեխնիկա: Հակառակորդն ունի մոտ 200 զոհ, ավելի քան 200 վիրավոր։ Հայաստանում և Արցախում սեպտեմբերի 27-ին հայտարարվել է ռազմական դրություն։