Այս պատերազմին խառնվել է նաև Թուրքիան, հավաստիացնում ենք, որ մեր բանակը արդեն կասեցրել է թշնամու գրոհը, մեր բանակը ի վիճակի է այն տեղափոխելու թշնամու տարածք և մարտերի ելքը վճռել այնպես, ինչպես եղավ 1992-94 թվականին ադրբեջանաղարաբաղյան և 2016 թվականի ապրիլյան պատերազմի և Տավուշի հուլիսյան դեպքերի ժամանակ. այսօր Արցախում կայացած ասուլիսի ժամանակ նշեց Արցախի Հանրապետության ԱԺ նախագահ Արթուր Թովմասյանը:

Նա նշեց, որ ԵԱՀկ Մինսկի խմբի համանախագահ երկրները հավասարակշռված հայտարարություններով են հանդես եկել: Թուրքիան լիիրավ աջակցութուն է ցուցաբերում Ադրբեջանին, իսկ  Իրանի իսլամական Հանրապետությունը պահպանում է չեզոք դիրք: Արթուր Թովմասյանի կարծիքով՝  ամեն ինչ անելու է, որ հրադադարը կայանա:

«Ադրբեջանն ասում է, որ բանակցութուններով հարց չի լուծում, բայց ե՞րբ է Ադրբեջանը բանակցել Արցախի իշխանությունների և ժողովրդի հետ: Մեզ հետ խոսել են հրանոթի լեզվով, հրանոթի լեզվով էլ պատասխան են ստանում: Ես կարծում եմ, որ այս պատերազմը Ադրբեջան -Թուրքիա տանդեմն էր՝ ուղղված Արցախի Հանրապետության դեմ: Դա ոչ թե Ադրբեջանի ժողովրդի պատերազմն է, այլ Իլհամ Ալիևի՝ իշխանությունը պահելու»-ընդգծեց նա:

Արթուր Թովմասյանն ասում է՝ թող Ադրբեջանը ժողովրդավարական ճանապարհով իշխանություն ընտրի և Արցախը պատրաստ է բանակցել, որովհետև հարցերի շրջանակը, վերաբերում են ոչ թե Երևանին, այլ Բաքվին և Ստեփանակերտին:

Արթուր Թովմասյանը նշեց, որ երեկ ԱԺ-ի հատուկ նիստում Արցախի անկախության ճանաչման վերաբերյալ քննարկում եղել է տարբեր խմբակցությունների կողմից: Վարչապետը Նիկոլ Փաշինյանն էլ ասել է, որ հարցը օրակագում է: