Նման վարքագիծ ունեցող երկրի հետ երկխոսություն հնարավոր չէ: Մենք մարտնչում ենք թուրք-ադրբեջանական համատեղ ուժերի դեմ, խնդիրը միայն Արցախը չէ: Այս մասին այսօր ճեպազրույցի ժամանակ ասաց ԱՀ նախագահ Արայիկ Հարությունյանը:

Նա նշեց. ՛՛Տակտիկական առումով որևէ շատ կարևոր դիրք հակառակորդը չի գրավել, մենք շատ կարևոր դիրք կամ առաջխաղացում չենք ունեցել, բայց բավականին մեծ քանակի ուժեր ենք վնասազերծել՛՛:

Խոսելով մամուլում շրջանառվող հակասական լուրերի մասին՝ կապված Լելե Թեփեն մեր կողմից հետ վերցնելու շուրջ՝ նախագահն ընդգծեց. ՛՛Լելե Թեփե թե այլ՝ որևէ բարձունք նշանակություն չունի, որովհետև համատարած ու լայնածավալ պատերազմ է ընթանում, դա դեռ վերջնական չէ, մենք պետք է շատ ավելի ծանր ու երկար մարտական գործողությունների պատրաստ լինենք, հակառակորդն իր բանակի ողջ ուժերը շարունակում է օգտագործել, մենք առաջնագծում առնվազն մի քանի հարյուր տեխնիկա ենք հաշվում, դիրք ենք տալու, թե վերցնելու՝ պետք չէ դրան անդրադառնալ՛՛՞

Հարությունյանն անդրադարձավ նաև Արցախի Հանրապետության ճանաչման շուրջ գործընթացին և ասաց. ՛՛Ճանաչման շուրջ քննարկումները շարունակվւմ են, բայց մեզ համար այսօր անվտանգությունն է գլխավոր, կճանաչեն, չեն ճանաչի՝ մենք պետք է հաղթենք, դրանից հետո կամ ընթացքում քաղաքական ճիշտ որոշումներ կկայացնենք՛՛:

Գիշերվա մարտերի մասին խոսելով՝ նախագահն ասաց. ՛՛Լայնածավալ պատերազմի պարագայում դիրք վերցնել-տալը ժամանակավոր բնույթ է կրում, մեզ գիշերը հաջողվել է վերականգնել բավականին շատ դիրքեր, որոնք ցերեկային մարտերի ժամանակ կորցրել էինք, հակառակորդն այսօր միայն հարավային թևում հարյուր տեխնիկա է օգտագործել, մի պահ չէինք կարողանում հաշվել՝ ինչքան տեխնիկա ենք խփել:

Լոկալ հաջողություններով դեռ մենք հաջողություն չենք ապահովել, մեր տակտիկան է՝ զինտեխնիկայի և մարդկային այնքան կորուստներ պատճառենք, ինչպես արել ենք 1992-94 թթ, այլ տարբերակ չկա, դեռ քաղաքական կոմպրոմիսային զինադադարի հնարավորությունները չենք տեսնում:

Նա նշեց նաև, որ պաշտպանության բնագավառում վաստակ ունեցող զինվորականները, գերենալները, հերոսները, որոնք ցանկություն են հայտնել մասնակցելու, աջակցել են, ովքեր չեն մասնակցել, ցանկություն չեն հայտնել:

՛՛Ղահրամայնանը, Կարապետյանը, Մնացականյանը զանգել են, առաջարկել են իրենց ծառայությունը, մենք սիրով ընդունել ենք, Ազատամարտիկների միությունն էլ զբաղված է կամավորականների հավաքագրմամբ:

Բոլորը, ովքեր ցանկություն են հայտնել հանուն հայրենիքի համագործակցել ՊԲ-ի և իշխանության հետ, ներկա են եղել՛՛,-հավելեց ԱՀ նախագահը: