ՄԱԿ-ի գլխավոր քարտուղարն Ալիևի հետ զրույցում կոչ է արել դադարեցնել կրակը Լեռնային Ղարաբաղում
ՄԱԿ-ի գլխավոր քարտուղարն Ալիևի հետ զրույցում կոչ է արել դադարեցնել կրակը Լեռնային Ղարաբաղում:
Ինչպես փոխանցում է ТАСС գործակալությունը, այս մասին երկուշաբթի հայտարարել է նրա պաշտոնական ներկայացուցիչ Ստեֆան Դյուժարիկը՝ հավելելով, որ այսօր ՄԱԿ-ի ղեկավարը հեռախոսազրույց է նախատեսում անցկացնել նաև Հայաստանի վարչապետ Նիկոլ Փաշինյանի հետ:
«Գլխավոր քարտուղարը հենց նոր զրուցել է Ադրբեջանի նախագահի հետ, շատ շուտով նա կզրուցի նաև Հայաստանի վարչապետի հետ: Հայաստանի վարչապետի հետ հեռախոսազրույցի ընթացքում նա կկրկնի նույն հայտարարությունը, որը հնչեցրել է ադրբեջանցի նախագահի հետ խոսելիս, այն է առանց նախապայմանների ռազմական գործողությունների անհապաղ դադարի կոչը՝ շարունակելու համար բանակցությունները ԵԱՀԿ Մինսկի խմբի հովանու ներքո»,- հայտարարել է Դյուժարիկը: