ԵԱՀԿ Մշտական խորհրդի հատուկ նիստում, որը տեղի է ունենալու այսօր, կքննարկվի ԼՂ իրավիճակը: РИА Новости-ի փոխանցմամբ, այդ մասին հայտնել է կազմակերպությունում Ալբանիայի նախագահությունը:

«ԵԱՀԿ Մշտական ​​խորհրդի հատուկ նիստը տեղի կունենա այսօր՝ Լեռնային Ղարաբաղի հակամարտության հետ կապված վերջին իրադարձությունները քննարկելու համար: ԵԱՀԿ գործող նախագահի հատուկ ներկայացուցիչ Անջեյ Կասպրշիկը Մշտական խորհրդին կտրամադրի վերջին տեղեկությունները», – նշված է հաղորդագրության մեջ: