«Թուրքիան պատճառ է փնտրում, որ իր զորքերը Նախիջևան տանի»,- «Россия 1» հեռուստաալիքի «60 րոպե» հաղորդման շրջանակներում նման հայտարարություն արեց ՀՀ վարչապետ Նիկոլ Փաշինյանը։

Նա հայտնեց, որ կան հատվածներ, որտեղ մարտական գործողությունները ղեկավարում է Թուրքիան։

«Մենք տեղեկություններ ունենք, որ Նախիջևանում արդեն իսկ թուրքական բանակի մի քանի ստորաբաժանումներ կան։ Բացի այդ, մինչ այդ, օգոստոսին, արդեն իսկ համատեղ զորավարժություններ էին անում Թուրքիան և Ադրբեջանը։ Այս պատերազմը սկսվեց որպես այդ զորվարժությունների շարունակություն»,- ասաց Փաշինյանը։
Խոսելով հակամարտությանը Թուրքիայի ներգրավվածության մասին՝ Փաշինյանը հիշեցրեց՝ 20-րդ դարի սկզբին Օսմանյան Թուրքիայում իրականացվեց Հայոց ցեղասպանությունը։

«Ակնհայտ է, որ և՛ Հայաստանը, և՛ Լեռնային Ղարաբաղը Թուրքիայի կողմից անմիջական վտանգի տակ են։ Սա պատերազմ է հայ ժողովրդի դեմ։ Հիմա մեր ժողովուրդը պետք է օգտագործի ինքնապաշտպանության հնարավորությունը։ Միջազգային հանրությունը պետք է դատապարտի Թուրքիայի ներգրավվածությունը Հարավային Կովկասում, որովհետև դա ոչ մի լավ բանի չի բերելու, կարող է հանգեցնի տարածաշրջանային պատերազմի»,- հայտարարեց Փաշինյանը։

Մանրամասները՝ «60 րոպե» հաղորդման տեսանյութում: