ԱՄՆ նախագահական ընտրությունների դեմոկրատ թեկնածու Ջո Բայդենը կոչ է արել ԱՄՆ ղեկավարությանը պահանջել Թուրքիայից, որ հեռու մնա Լեռնային Ղարաբաղի հակամարտությունից:

«Հաշվի առնելով Լեռնային Ղարաբաղում և դրա շուրջ զոհերի աճող տվյալները՝ Թրամփի վարչակազմը պետք է իրավիճակի անհապաղ ապաէսկալացիայի կոչ անի Հայաստանի և Ադրբեջանի ղեկավարներին: ԱՄՆ վարչապազմը պետք է նաև պահանջի մյուս երկրներից, ինչպես օրինակ՝ Թուրքիայից, հեռու մնալ հակամարտությունից»,- իր թվիթերյան էջում գրել է Բայդենը: