Ռուսաստանի և Ֆրանսիայի նախագահներ Վլադիմիր Պուտինն ու Էմանուել Մակրոնը քննարկել են իրավիճակը Լեռնային Ղարաբաղում։ Այս մասին հայտնում է Կրեմլի մամուլի ծառայությունը։ Նշվում է, որ հեռախոսազրույցը նախաձեռնել էր ֆրանսիական կողմը։

«Զրույցի ընթացքում ռուս և ֆրանսիացի առաջնորդները հանգամանալից քննարկել են հայ-ադրբեջանական հակամարտությունը և խորին անհանգստություն արտահայտեկ շարունակվող լայնամասշտաբ մարտական գործողությունների պատճառով»,-նշվում է հաղորդագրության մեջ։

Պետությունների ղեկավարները համակարծիք են, որ հակամարտության կարգավորումը պետք է լինի միայն քաղաքական-դիվանագիտական մեթոդներով։

Պուտինն ու Մակրոնը քննարկել են հետագա փոխգործակցության կոնկրետ պարամետրեր, նախ և առաջ՝ ԵԱՀԿ ՄԽ ձևաչափում։ Նրանք պատրաստակամություն են հայտնել հանդես գալու Մինսկի խմբի համանախագահների համատեղ հայտարարությամբ՝ հօգուտ զինված առճակատման անհապաղ դադարեցման։