Բժիշկները կարծում են՝ COVID-19-ով հիվանդացած Թրամփի մոտ բարդություններ կառաջանան
Մելբուռնի Սուրբ Վինսենթի հիվանդանոցի բժիշկ-ռեանիմատոլոգ Բարրի Դիքսոնը կարծում Է, որ կորոնավիրուսով հիվանդ ԱՄՆ-ի նախագահ Դոնալդ Թրամփի մոտ կարող են բարդություններ առաջանալ տարիքի ու քաշի պատճառով, հայտնում Է «Ինտերֆաքսը»։
Նրա խոսքով՝ այն փաստը, որ Թրամփի մոտ հիվանդությունը դեռևս անցնում Է առանց խնդիրների, չի նշանակում, որ հետագայում ավելի լուրջ ախտանշաններ չեն հայտնվի:
«Սովորաբար առաջին շաբաթվա ընթացքում մարդկանց մոտ ախտանշանները շատ աննշան են, գրեթե միշտ այդպես է։ Իսկ երկրորդ շաբաթում մարդկանց մոտ սովորաբար կամ ի հայտ Է գալիս թոքաբորբ, կամ՝ ոչ»,-ասել Է նա:
Կանբերայի հիվանդանոցի վարակիչ հիվանդությունների գծով պրոֆեսոր Փիթեր Քոլինիոնը նույնպես նշել է, որ քաղաքական գործչի վիճակը, ամենայն հավանականությամբ, հինգից մինչեւ յոթ օրում կվատթարանա:
Մինչդեռ, Թրամփն առաջին համաշխարհային առաջնորդը չԷ, որ հիվանդանում Է կորոնավիրուսով: Մասնավորապես ավելի վաղ COVID-19 Է տարել Մեծ Բրիտանիայի վարչապետ Բորիս Ջոնսոնը, Բրազիլիայի նախագահ Ժայիր Բոլսոնարուն, Հոնդուրասի նախագահ Խուան Օռլանդո Էռնանդեսը:
Բացի այդ, կորոնավիրուսային վարակ Է նաև ախտորոշվել Մոնակոյի իշխանի, Գվատեմալայի նախագահ Ալեխանդրո Ջամատեի, Բոլովիայի ժամանակավոր նախագահ Ժանին Անիեսի մոտ:
Ինչպես արդեն հայտնել ենք ԱՄՆ նախագահը և նրա կինը վարակվել են կորոնավիրուսով։
