Եվրոմիությունը որոշում է կայացրել Լեռնային Ղարաբաղի հակամարտության գոտում շփման գծի երկու կողմերի բնակչությանը շտապ մարդասիրական օգնություն հատկացնելու մասին:
Այս մասին Twitter-ի իր էջում գրել է Ճգնաժամային կառավարման հարցերով եվրոհանձնակատար Յանեզ Լենարչիչը։
«Լեռնային Ղարաբաղի հակամարտության գոտում ռազմական գործողությունների հետ կապված՝ ԵՄ-ն հայտարարում է արտակարգ մարդասիրական օգնություն հատկացնելու մասին։ Այն նախատեսված է շփման գծի երկու կողմերում հակամարտությունից տուժած քաղաքացիական բնակչության համար»,- հայտարարել է նա:
Նախնական 500 հզր եվրո կուղղվի շտապ բժշկական սարքավորումների, մթերքի և առաջին անհրաժեշտության ապրանքների գնման ու առաքման համար: