ՀՀ ՊՆ ներկայացուցիչ Արծրուն Հովհաննիսյանն այսօր ասուլիսի ժամանակ հայտնեց, որ հակառակորդը շարունակում է թիրախավորել խաղաղ բնակչությանը. երկու անգամ հարվածել են և՛ Հադրութին և՛ Ստեփանակերտին, ինչից տուժել են մեծ թվով խաղաղ բնակիչներ և շինություններ:

«Իրավիճակն այս պահին շարունակում է մնալ լարված: Մարտերը շարունակվում են, նույն ծանրության ուղղություններն էլի հյուսիսն ու հարավն են: Մեր ԶՈՒ-ն շարունակում է հիմնականում պաշտպանողական գործողությունները, բայց որոշ տեղերում նաև՝ այլ բնույթի մարտական գործողություններ»,- ասաց Հովհաննիսյանը: