Արցախի Հանրապետության պետական նախարար Գրիգորի Մարտիրոսյանը քիչ առաջ պաշտոնապես հայտարարել է, որ Ստեփանակերտ քաղաքը չի տարհանվում: 

«Արցախպրես»-ի թղթակցի հաղորդմամբ՝ այս մասին քիչ առաջ Գրիգորի Մարտիրոսյանն ասել է «Արցախ/Տեղեկատվական շտաբ»-ում կայացած բրիֆինգի ժամանակ:

Նրա խոսքով՝ այս ընթացքում տարհանվել են մի քանի գյուղեր, որոնք սահմանամերձ են և գտնվում են ճակատից մի քանի կիլոմետր հեռավորության վրա։

Գ. Մարտիրոսյանը տեղեկացրել է, որ Ստեփանակերտ քաղաքի տարհանման որոշումը կընդունվի հիմնավոր հանգամանքների առաջացման դեպքում։