Պետբյուջեով նախատեսված աշխատավարձերը և թոշակները վճարվում են ըստ ժամանակացույցի. պետական նախարար
ԱՀ կառավարության կողմից արվում է ամեն ինչ, որպեսզի ապահովվի մեր հայրենակիցների բնականոն կյանքը:
«Արցախպրես»-ի թղթակցի հաղորդմամբ՝ այս մասին քիչ առաջ «Արցախ/Տեղեկատվական շտաբ»-ում կայացած բրիֆինգի ժամանակ ասել է ԱՀ պետական նախարար, օպերատիվ շտաբի պետ Գրիգորի Մարտիրոսյանը:
Նրա խոսքով՝ այս օրերին ամսվա հենց առաջին օրվանից սկսած վճարվել են պետական բյուջեով նախատեսված բոլոր աշխատավարձերը, նույնպես կվճարվեն նաև թոշակները:
Գ. Մարտիրոսյանը նշել է, որ նույնիսկ պատերազմական օրերին 9 ամսվա արդյունքներով Արցախի հարկատուները վճարել են պլանից ավելի 200 միլիոն դրամ:
Հաշվի առնելով բազմաթիվ խնդիրներ՝ կապված ստեղծված իրավիճակի հետ՝ բոլոր ընկերությունների հետ համաձայնեցված որևէ կոմունալ վճարումների ժամանակին չվճարումների պատճառով, անջատումներ չեն լինելու:
Ըստ պետնախարարի՝ տնտեսվարող մնացած սուբյեկտների կողմից ևս ցուցաբերվում է անհրաժեշտ գիտակցված մոտեցում:
