Եվրոպական խորհուրդը հանդես է գալիս Լեռնային Ղարաբաղում հրադադարի հաստատման օգտին, ռազմական մեթոդներով անհնար է հասնել հակամարտության կարգավորմանը, հայտարարել է Գերմանիայի կանցլեր Անգելա Մերկելը: 

NEWS.am-ի փոխանցմամբ, այս մասին հայտնում է «ՌԻԱ Նովոստի»-ն։

«Մենք, իհարկե, հանդես ենք գալիս այն բանի օգտին, որ այստեղ հրադադար հաստատվի։ Սա այդ բարդ հակամարտության կարգավորումը խաղաղորեն քննարկելու միակ հնարավորությունն է, բայց հաստատապես ոչ ռազմական մեթոդներով»,- հայտարարել է Մերկելը Բրյուսելում ԵՄ առաջնորդների գագաթնաժողովի արդյունքներով տեղի ունեցած մամուլի ասուլիսում։

Նրա խոսքով՝ եվրոպացի առաջնորդները քննարկել են ղարաբաղյան հակամարտության գոտում էսկալացիան եւ ձգտում են կրակի շտապ դադարեցման։ «Կարեւոր է, որ հրադադարի ռեժիմը հաստատվի հնարավորինս արագ»,- հայտարարել է Մերկելը, փոխանցում է Reuters-ը։