Ստեփանակերոտում լուրջ վնասվել են 2 բնակելի շենք․ կա զոհ
Երեկոյան արդեն երեք հրթիռ Ադրբեջանը արձակեց Ստեփանակերտի այլ հատվածների ուղղությամբ, ինչի հետևանքով տուժել են քաղաքացիական օբյեկտներ, բնակչություն։ Ըստ նախնական տվյալների առնվազն 4 վիրավոր կա և մեկ զոհ։ Ասաց Արցախի ՄԻՊ Արտակ Բեգլարյանը՝ լրագրողների հետ ճեպազրույցում։
Նրա խոսքով վնասված շենքերից բնակիչներն արդեն հանվել են, մնացած տվյալները ճշտման փուլում են։
Լուրջ վնասվել են 2 բնակելի շենք։ Բարեբախտաբար այդ պահին հիշյալ շենքերում քիչ բնակիչներ են եղել։ Դրանով է պայմանավորված տուժած բնակիչների քանակի մեծածավալ չլինելը։
«Եվս մեկ անգամ պետք է արձանագրենք, որ Ադրբեջանը շարունակում է թիրախային, նպատակային, դիտավորյալ հարձակումները քաղաքացիական օբյեկտների նկատմամբ, ընդ որում բավականին ծանր հրթիռային համակարգերով, որոնց ազդեցությունը շատ ավելի մեծ է ու ավերիչ»,- ասաց Բեգլարյանը։
Արցախի ՄԻՊ-ը դատապարտեց նաև լրագրողներին տեղափոխող մեքենայի հրթիռակոծումը թշնամու կողմից՝ ակնկալելով, որ միջազգային հանրությունը կոշտ արձագանք կհնչեցնի։
