Րոպեներ առաջ ես հանդիպել եմ մեր եզդի եղբայրների մի մեծ խմբի, ովքեր այսօր գտնվում են առաջնագծում և մեզ հետ միասին պաշտպանում են հող հայրենին: Այս մասին մարտի դաշտ մեկնելուց առաջ հատուկ ստորաբաժանման ծառայողների հետ հանդիպմանը հայտարարել է Արցախի նախագահ Արայիկ Հարությունյանը:

«Միջազգային հանրությունը ևս համախմբվել է ու գիտակցում է այն մեծ չարիքը, որը սկիզբ է առել այս մի քանի օրերին մեր տարածաշրջանում, համաշխարհային մեծ վտանգը, տարածաշրջանային մեծ վտանգը: Հաջողություն բոլորիդ»,-ասել է նա:

«Ես էլ եմ լինելու ձեզ հետ միասին: Հանուն հայրենիքի, հանուն մեր ապագայի»,-հավելել է նա: