Դուք եք սկսել այս պատերազմը, դուք եք խախտել հումանիզմի կանոնները՝ թիրախավորելով խաղաղ բնակչությանը, ժամանակ ունեք, մտածեք: Այս մասին հայտարարեց Արցախի նախագահ Արայիկ Հարությունյանը՝ կոչ անելով թշնամուն ուշքի գալ ու նշելով, որ իր հրամանով ժամանակավորապես դադարեցվել է խոշոր բնակավայրերի վրա կրակը:

«Շարունակելու ենք մինչև վերջ, մինչև վերջին մարդը, զինվորը պատրաստ ենք զոհվելու: Նման պարագայում դուք չեք կարող մեզ հաղթել»,-ասաց նա:

Հարությունյանը կոչով դիմեց նաև հայրենակիցներին: Իրականում սա սրբազան, հայրենական պատերազմ է:

Ուզում եմ, որ այս համախմբվածությունը շարունակի մնալ: Առաջին հերթին պետք է օգնել մեր տարհանվածներին, նրանց, ովքեր կարիք ունեն:

Ուզում եմ, որ համախմբվենք իշխանության շուրջ, քանի որ այսօր, քան՝ երբևէ Արցախի ու Հայաստանի իշխանության դերը բարձր է, մեծ է, վճռական, վճռորոշ:

Ուզում եմ, որ այդ աջակցությունը շարունակի մնալ»,-ասաց նա: