Արցախցի 9-ամյա Տիգրանը պատերազմական ծանր այս օրերին գտնվում է Երևանում։ Ասում է՝ սրտատրոփ սպասում է, որ պատերազը վերջանա և կարողանա վերադառնալ Հայաստան։ «Հայրիկս, եղբայրներս, պապիկս, երկու քեռիներս հիմա Արցախում են՝ կռվում են մեր հայրենիքի համար։ Ես վստահ եմ, որ պատերազմն ավարտվելու է մեր հաղթանակով», — MegaNews.am-ի հետ զրույցում նշեց Տիգրանը։

Մեր հզոր արքայի անունը կրող Տիգրանն ասաց՝ բոլորը գիտեն՝ հայ զինվորները քաջ են, ոչնչից չեն վախենում, ապա հավելեց՝ վստահում է մեր քաջ զինվորներին, ուստի հաստատ գիտի՝ հաղթելու ենք։

Տիգրանի հետ միասին՝ մեր հզոր բանակի հաղթանակին են սպասում նաև նրա զարմիկները՝ Արմանը և Յանան։ Վերջիններս տեսախցիկի առջև խոսել չցանկացան, բայց հավելեցին՝ Երևանն, իհարկե, ջերմ ու գեղեցիկ քաղաք է, բայց իրենք ուզում են ժամ առաջ վերադառնալ հարազատ Արցախ՝ իրենց հայրնի տուն։

«Անհնար է, որ մեր քաջ տղաները, մեր հայրերն ու եղբայրները պարտվեն։ Շուտով մենք կհաղթենք, և պատերազմը կվերջանա», — պայծառ հույսն աչքերում պահած՝ նշեցին արցախցի հայրենասեր փոքրիկները։

Մանրամասները՝ տեսանյութում։