Հնդկաստանի մայրաքաղաք Դելիի ինչպես պետական, այնպես էլ մասնավոր դպրոցները փակ կմնան մինչեւ հոկտեմբերի 31-ը, հայտարարել է Դելիի փոխքաղաքապետ Մանիշ Սիսոդիան, հաղորդում է Hindustan Times-ը:

Այդ հայտարարությունը վերջ է տվել Դելիում դպրոցները մասնակի բացելու մասին շրջանառվող լուրերին:

Ավելի վաղ՝ սեպտեմբերի 18-ին, մայրաքաղաքի վարչակազմը որոշել էր փակել դպրոցները մինչեւ հոկտեմբերի 5-ը:

«Դելիում դպրոցները փակ թողնելու մասին որոշումը կերկարաձգվի: Ես որոշում եմ կայացրել փակել Դելիի բոլոր դպրոցները մինչեւ հոկտեմբերի 31-ը: Առաջիկայում կհրապարակվի հրաման այդ թեմայի շուրջ»,-ասել է Սիսոդիան պարբերականին:

Հինգշաբթի, ուրբաթ եւ շաբաթ օրերի ընթացքում Դելիում գրանցվել է կորոնավիրուսով վարակման 3037, 2920 եւ 2 258 նոր դեպք, մահացել է 5 472 պացիենտ: