Վրաստանը հայտարարել է, որ պատրաստ է իր մոտ անցկացնել ԵԱՀԿ Մինսկի խմբի նիստը՝ ղարաբաղյան հակամարտության կարգավորման հարցով: MK պարբերականի փոխանցմամբ՝ նման պատրաստակամություն է հայտնել Վրաստանի նախագահ Սալոմե Զուրաբիշվիլին «Ռուսթավի 2» հեռուստաալիքի եթերում:

«Երկու կողմում էլ նկատվում է պատրաստակամություն՝ ներգրավելու ԵԱՀԿ Մինսկի խումբը: Կարծում եմ՝ մենք պետք է նպաստենք հանդիպման անցկացմանը, թեկուզ Վրաստանում: Մենք կանենք ամեն ինչ և պատրաստ ենք այն ամենին, ինչն ընդունելի է նրանց համար», – ասել է Զուրաբիշվիլին:

Վրաստանի նախագահը նաև նշել է, որ հակամարտության սրացումը սպառնում է կայունությանը ողջ տարածաշրջանում:

Ինչպես ավելի վաղ հայտնել էինք նույն հարցազրույցի ընթացքում նա շեշտել էր, որ Հայաստանի և Ադրբեջանի միջև հակամարտության հարցում Վրաստանի համար կարևորը չեզոքություն պահպանելն է: