ՊԵԿ-ը 30 մլն դրամ է փոխանցել «Հայաստան» համահայկական հիմնադրամին
ՀՀ պետական եկամուտների կոմիտեն միացել է «Հայաստան» համահայկական հիմնադրամի կողմից նախաձեռնած «Մենք ենք, մեր սահմանները. բոլորս Արցախի համար» խորագրով համազգային դրամահավաքին՝ hիմնադրամի հաշվեհամարին փոխանցելով 30 մլն ՀՀ դրամ:
«Այսօր մենք միասնական ենք առավել, քան երբևէ, և յուրաքանչյուրս պետք է գիտակցենք այս գործի կարևորությունը, նշանակությունը և դերը հայկական երկու Հանրապետությունների անկախության և անվտանգության համար:
Կոչ ենք անում բոլորին ուժերի ներածին չափով սատար կանգնել մեր հայրենիքին, բանակին, զինվորին և մասնակիցը դառնալ այս չափազանց անհրաժեշտ համահայկական ձեռնարկին։
Փա՛ռք Հայ զինվորներին
Փա՛ռք Հայաստանի Հանրապետությանը
Փա՛ռք Արցախի Հանրապետությանը»,-նշված է ՊԵԿ հաղորդագրության մեջ։
