Ղարաբաղի հակամարտության գոտի են տեղափոխվում հազարավոր ահաբեկիչներ, այդ թվում «Ան Նուսրայից». Նարիշկին
Մերձավոր Արևելքում գտնվող հազարավոր ահաբեկիչներ՝ այդ թվում «Ան Նուսրա» խմբավորումից, տեղափոխվում են Լեռնային Ղարաբաղի հակամարտության գոտի:
Այս մասին հայտարարել է Ռուսաստանի արտաքին հետախուզության տնօրեն Սերգեյ Նարիշկինը, փոխանցում է ՌԻԱ Նովոստին։
Նրա խոսքերով, ղարաբաղյան հակամարտության գոտի են տեղափոխվում նաև քրդական ծայրահեղական խմբավորումներ. «Խոսքը վերաբերում է հազարավոր ծայահեղականների, ովքեր հույս ունեն գումար վաստակել նոր ղարաբաղյան պատերազմում»:
Ռուս պաշտոնյան նշել է, որ Ղարաբաղում թեժացող զինված հակամարտությունը մագնիսի նման դեպի իրեն է քաշում միջազգային տարբեր ահաբեկչական խմբավորումների գրոհայիններին:
