Ռուսաստանի համար Ղարաբաղում նոր պատերազմն անընդունելի է: Այս մասին հայտարարել է Ռուսաստանի արտաքին հետախուզության տնօրեն Սերգեյ Նարիշկինը:

«Մեզ համար միևնույն չէ այն, որ այնտեղ մահանում են բարեկամ ժողովուրդների ներկայացուցիչներ»,-հավելել է նա:

Նարիշկինը նաև նշել է, որ Թուրքիայի բացահայտ աջակցությունն Ադրբեջանին արտաքին միջամտությունների սկզբունքորեն նոր գործոն է․ «Լեռնային Ղարաբաղի շփման գծում բախումներ նախկինում էլ էին լինում։ Իրավիճակի ներկայիս սրացումը մեծ անհանգստություն է առաջացնում ոչ միայն իր մասշտաբով, այլ արտաքին գործոնների սկզբունքորեն նոր ազդեցությամբ։ Առաջին անգամ է, որ  Թուրքիան այսպես բացահայտ և միանշանակ հանդես է գալիս ի  աջակցություն Ադրբեջանի»։