ԱԺ-ն շարունակում է այսօր քառօրյայի աշխատանքները: Հայտարարությունների ժամին Միքայել Մելքումյանը նշեց, որ այս պահին աննախադեպ հրատապություն է ներկայացնում ռազմաքաղաքական դաշինքի կնքումը.«Առաջին-երկրորդ օրը մենք այստեղ շատ ակտիվ խոսում էինք Արցախի Հանրապետության հետ ռազմաքաղաքական դաշինքի և նրա անկախության ճանաչման մասին, հենց որ մի փոքր դադարում է, ասում ենք` լավ, դեռ փաստարկները բերենք, նոր: Ասենք, մի քանի օր հետո նորից եղավ, նորից կանգ ենք առնելու, ասենք` մի հատ հասկանանք` ինչ է լինելու: Այստեղ մենք չպետք է ավելորդ զգուշավորություն ցուցաբերենք, քննարկենք և համապատասխան որոշումը ընդունենք: Այս պահին աննախադեպ հրատապություն է ներկայացնում ռազմաքաղաքական դաշինքի կնքումը, քննարկենք, բոլոր փաստարկները բերենք, հասկանանք, թե որ պահն է այդ պատեհ պահը»: