Հոկտեմբերին Հայաստանում կայանալիք ՀԱՊԿ հավաքական ուժերի ու հետախուզական ստորաբաժանումների զորավարժությունները , որոնք չեղարկվել էին, կայանալու են հոկտեմբերի 12-16-ը Բելառուսի տարածքում։ Այս մասին հայտնել է ՀԱՊԿ գլխավոր քարտուղարը, փոխանցում է Ինտերֆաքսը։ Զորավարժությունների թեման ՀԱՊԿ խաղաղապահ ուժերի միջոցով խաղաղապահ օպերացիայի նախապատրաստումը և անցկացումն է։

Նախատեսվում է, որ զորավարժություններում ներգրավված կլինեն մոտ 700 մարդ և ավելի քան 100 միավոր ռազմական ու հատուկ տեխնիկա՝ այդ թվում ուղղաթիռներ և այլն։ Զորավարժություններում նախատեսվում է նաև Միջազգային Կարմիր Խաչի մասնակցությունը՝ որպես դիրորդ։ ՀԱՊԿ խաղաղապահ ուժերի ընդհանուր քանակը 3600 մարդ է։