Ահաբեկիչներն ունեն փախնելու բնավորություն, երբ պարտվում են։ Այս մասին ասաց ՀՀ ՊՆ ներկայացուցիչ Արծրուն Հովհաննիսյանը՝ պատասխանելով այն հարցին, թե արդյոք սիրիացի վարձկան ահաբեկիչները, հասկանալով, որ իրենց խաբել են և տեսնելով մեր զորքերի առաջխաղացումը, փախել են։

Ինչ վերաբերում է այն հարցին, որ հակառակորդի զորքերը պատսպարվել են Իրանի տարածքում, ապա Հովհաննիսյանն ասաց, որ նման հայտարարություն հայկական կողմը տվել է, Իրանի հանրապետությունը ձեռնարկում է այդ կապակցությամբ անհրաժեշտ քայլեր, թե ինչ քայլեր, այս պահին չի կարող մանրամասնել։