ՀՀ վաստակավոր արտիստ,ճանաչված  վիրտուոզ  ջութակահար Սերգեյ Խաչատրյանը ինստրագրամյան իր  էջում գրառում է կատարել թուրք-ադրբեջանական ագրեսիայի հետևանքով Արցախում շարունակվող պատերազմի մասին ․

«Սիրելի ընկերներ, սովորաբար ես խոսում եմ իմ երաժշտության լեզվով, բայց վերջին ողբերգական դեպքերն ինձ ստիպում են խոսել ոչ որպես երաժիշտ, այլև որպես հայ: Սեպտեմբերի 27-ից իմ երկիրը պարտադրված պատերազմում է հայտնվել, որն Ադրբեջանն է սկսել՝  դաշնակից Թուրքիայի օգնությամբ: Թուրքիան բացահայտ կերպով Ադրբեջանին տրամադրել է ռազմական միջոցներ, սիրիացի վարձկաններ և միջազգային ահաբեկիչներ: Մինչև այսօր նրանք հրետակոծում են քաղաքներ ու գյուղեր, և թիրախավորում են Արցախի ու Հայաստանի խաղաղ բնակիչներին:  Կարևոր է հասկանալ, որ հայերը դիմակայում են մի պատերազմի, որը հրահրվել է 2 դիկտատորական՝ Թուրքիայի և Ադրբեջանի նախագահների կողմից: Մենք պայքարում և կռվում ենք միջազգային ահաբեկինչերի դեմ, կռվում ենք տարածաշրջանի կայունության և մեր հայրենիքն ու մեր գոյությունը պաշտպանելու համար: Կարծես Թուրքիան  մտադիր է շարունակել 1915 թվականի հայերի ցեղասպանությունը:  Շատ կարևոր է խոսել այս պատերազմի մասին, որքան կարող ենք շատ: Ազերի և թուրքական կառավարությունները լայնորեն տարածում են կեղծ լուրեր և պրոպագանդա՝ աշխարհին շեղելու, այն իրականությունից, ինչ կատարվում է Արցախում և Հայաստանում:  Հավասարապես կարևոր և նշանակալի է այն օգնությունը, որը մենք կարող ենք ապահովել արտասահմանից: Նվիրատվությունների միջոցով մենք կարող ենք աջակցել Արցախի այն ընտանիքներին, որոնք տեղափոխվել են ու կորցրել իրենց տները, երեխաներին, որոնք կորցրել են իրենց ընտանիքի անդամներին, զինվորներին, որոնք կարիք ունեն աջակցության, բժշկական խնամքի, սնունդի, հագուստի, և այլն։  Հայաստանը ձեր կարիքն ունի այս կարևոր պահին:
Չկա ավելի ուժեղ մոտիվացիա, քան սեփական ազգի գոյությունը պաշտպանելը և հայրենիքի համար կռվելը: Մենք հաղթելու ենք»,-  գրել է  վիրտուոզ ջութակահար Սերգեյ Խաչատրյանը։