ՌԴ նախագահ Վլադիմիր Պուտինը մեկնաբանել է պատերազմը Արցախում. «Դա ողբերգություն է», - ասել է նա: Ռուսաստանի նախագահը նաև կոչ է արել որքան հնարավոր է շուտ դադարեցնել մարտերը Արցախում:

«Մարդիկ են զոհվում, մեծ կորուստներ երկու կողմից, և մենք հույս ունենք, որ ամենամոտ ապագայում այդ հակամարտությունը կդադարեցվի: Բայց եթե այն վերջնականապես չկարգավորվի, ամենից դատելով դեռ հեռու է դրանից, ամեն դեպքում մենք կոչ ենք անում, ես ևս մեկ անգամ ուզում եմ ասել դրա մասին, հրադադարի կոչ ենք անում...», - ասաց ՌԴ նախագահը «Россия 24» հեռուստաալիքի եթերում:

 Պուտինը հաստատեց, որ Ռուսաստանը պատրաստ է կատարել իր դաշնակցային պարտականությունները Հայաստանի նկատմամբ և մշտական կապի մեջ է գտնվում ՀՀ վարչապետ Նիկոլ Փաշինյանի հետ:

«Հայաստանը չունի հարցեր Ռուսաստանի կողմից իր դաշնակցային պարտականությունները կատարելու որակի վերաբերյալ», - ասաց Պուտինը: