Այսօր ամենահամեստ հաշվարկներով մինչև կեսօր հակառակորդը կորցրել է 260-280 ադրբեջանցի զինծառայող՝ գումարած ահաբեկիչներ, մոտավորապես 60-80 զրահետեխնիկա խոցվել էր, և նաև սարքին վիճակում զրահատեխնիկա մնացել էր մեր զինված ուժերի ձեռքին, բայց դեռ մարտերը շարունակվում են և վստահ եմ, որ այդ թվերը աճել են: Այս մասին հայկական միասնական տեղեկատվական կենտրոնում ասաց պաշտպանության նախարարության ներկայացուցիչ Արծրուն Հովհաննիսյանը:

Նա նշեց, որ սա մեծ պատերազմ է և դիրքային, սահմանային փոփոխություններ, նահանջներ, շրջանցումներ, առանձին էպոզիդներով քննարկելը տեղին չեն համարում, երբ կոնկրետ օպերացիաները կավարտեն, կունենան կոնկրետ արդյունքներ, եթե նպատակահարմար գտնեն, կհրապարակեն:

«90-94 թվականների ընթացքում Ստեփանակերտ քաղաքը ենթարկվում էր ամենածանր ու հուժկու հարվածների, միայն գրադ տեսակի  զինատեսակներից մոտավորապես 20 հազար արկ էր արձակվում, այսօր գրեթե ոչինչ չի փոխվել»,-ասաց նա և նշեց, որ այսօր կիրառվում են ավելի մեծ միջոցներ:  Նա նկատեց, որ Ադրբեջանի Զինված ուժերի ցանկացած խայատառակություն ռազմաճակատում նրանք փորձում են փոխհատուցել քաղաքացիական անձանց հրթիռակոծելով և իրենց պարտությունը քաղաքացիական անձանցից վրեժ լուծելու գործելաոճ են կիրառում:

«Մենք փաստեր ունենք, որ թուրքական ղեկավարությունը իրականացնում է հարվածների պլանավորում է, օդային հարվածները վերահսկում, ղեկավարում են թուրքական զինված ուժերի համապատասխան ներկայացուցիչները»,-ասաց նա և նշեց, որ ունեն փաստեր, որ կան թուրքական զինված ուժերի ներկայացուցիչներ, բայց առանձին ամբողջովին ստորաբաժանումների գոյության մասին փաստ առայժմ չունեն:

«Մենք 30 տարի է՝ այդ հեքիաթը լսում ենք, որ Հայաստանին օգնում են քուրդ զինյալները, գեթ մեկ ապացույց չեն տվել, որ մենք երբևիցե դիմել ենք նրանց օգնությանը, կամ համագործակցությանը: Մեր զինված ուժերը քրդերի կարիք հաստատ չունեն, և ի տարբերություն թուրքերի՝ մենք մեր հողը մեր արյան գնով ենք պաշտպանում, ոչ թե ուրիշի»,-ասաց նա: