ԱՄՆ նախագահ Դոնալդ Թրամփը իր թվիթերյան էջում գրել էր, որ դուրս կբերի ամերիկյան զորքերը Աֆղանստանից մինչեւ Սուրբ Ծնունդ, որը ըստ Արեւմտա-քրիստոնեական օրացույցով դեկտեմբերի քսանհինգին է։ Ի պատասխան այս հայտարարության, ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ դաշինքը շարունակելու է հավատարիմ մնալ իր առաքելությանը Աֆղանստանում, որպեսզի երկիրը չդառնա հարթակ ահաբեկչության համար։

Այս մասին Ստոլտենբերգը ասել է Հյուսիսային Մակեդոնիայի վարչապետ Զորան Զաեւի հետ ունեցած հանդիպումից հետո տեղի ունեցած համատեղ ասուլիսից հետո։ Նա նաեւ հավելել է, որ ռազմաքաղաքական դաշինքը աջակցում է Աֆղանստանում կառավարության եւ թալիբների միջեւ ընթացող խաղաղ բանակցություններին եւ որպես խաղաղությանը աջակցություն, իր զորակազմը կրճատել է մինչեւ տասներկու հազար զինվորականի։ ՆԱՏՕ-ի գլխավոր քարտուղարը նաեւ ասել է, որ դաշինքի՝ աֆղանական առաքելության ապագայի հարցով կլինեն քննարկումներ։