Առողջապահության համաշխարհային կազմակերպությունը գրանցել է մեկ օրում աշխարհում կորոնավիրուսով հիվանդացության դեպքերի ռեկորդային աճ՝ 338 799։ Սա նոր ռեկորդ է պանդեմիայի սկսվելուց ի վեր։

ԱՀԿ տվյալներով՝ նոր դեպքերի մեծ մասը գրանցվել է Ամերիկյան մայրցամաքում։ Այնտեղ մեկ օրում վարակվել է 122 715 մարդ։ Այնուհետև Եվրոպան է, որտեղ գրանցվել  է 96,9 հազար նոր դեպք։ Երրորդ տեղում Հարավարևելյան Ասիան է։ Այնտեղ ի հայտ է բերվել 89,6 հազար նոր վարակակիր։

Նախորդ ռեկորդն ԱՀԿ-ն գրանցել էր հոկտեմբերի 4-ին (330 հազար): Նոր դեպքերի թվով առաջատարները կրկին եղել են նույն տարածաշրջանները։

Համաձայն կազմակերպության ներկայացրած վիճակագրության՝ աշխարհում մինչ օրս կորոնավիրուսով վարակվածների թիվը կազմում է 36,002 մլն։