Կառավարության առաջարկությամբ ԱԺ-ն գումարել է արտահերթ նիստ: Պատգմավորները քննարկում են վարչական իրավախախտումների, քրեական և աշխատանքային օրենսգրքերում փոփոխությունների նախագծերը:

Վարչական իրավախախտումների և քրեական օրենսգրքերում փոփոխություններով առաջարկվում է պատիժ սահմանել ռազմական դրության իրավական ռեժիմի ընթացքում գործող կանոնները խախտելու, ռեժիմն ապահովող մարմինների և ուժերի գործունեությանը խոչընդոտելու համար: Իսկ աշխատանքային օրենսգրքով նախատեսված են կարգավորումներ ռազմական դրության ժամանակ զորակոչվելու կամ կամավորագրվելու դեպքում աշխատանքի պահպանման վերաբերյալ:

Նախագծերը ներկայացնում է արդարադատության նախարար Ռուստամ Բադասյանը: Նա խորհրդարանին առաջարկեց նախագծերը քննարկել հատուկ ռեժիմով: Մեծամասնության կողմից առաջարկն ընդունվեց: Իր ելույթում, սակայն, ԱԺ «Լուսավոր Հայաստան» խմբակցության քարտուղար Գևորգ Գորգիսյանը դեմ արտահայտվեց առաջին նախագծին և հայտարարեց, թե դրա քննարկումը ժամանակավրեպ է: