Չինաստանը միացել է Առողջապահության համաշխարհային կազմակերպության (ԱՀԿ) գլխավորած COVID-19-ի դեմ պատվաստանյութերի համաշխարհային նախաձեռնությանը:

Չինաստանի արտգործնախարարության հայտարարությունը չի մանրամասնում, թե Պեկինը ինչ մակարդակի աջակցություն կցուցաբերի COVAX ծրագրին, չնայած նախագահ Սի Ցզինպինը մայիսին 2 միլիարդ դոլար էր խոստացել առաջիկա երկու տարվա ընթացքում` ավելի քան 1 միլիոն կյանք խլած համավարակի դեմ պայքարի համար:

«Մենք գնում ենք այս հստակ քայլին` պատվաստանյութերի արդար բաշխումն ապահովելու համար, հատկապես` զարգացող երկրներում, եւ հուսով ենք, որ հատկապես զարգացած երկրները նույնպես կմիանան եւ կաջակցեն COVAX- ին»,- ասված է Չինաստանի ԱԳՆ խոսնակ Հուա Չունինի հայտարարության մեջ: Նա նշել է, որ Չինաստանը COVID-19-ի դեմ պատվաստանյութերի արտադրության լայն հնարավորություններ ունի եւ առանձնահատուկ ուշադրություն կդարձնի մատակարարմանը զարգացող երկրներին:

COVAX նախաձեռնությունը նպատակ ունի մինչեւ 2021 թվականի վերջ առնվազն 20 միլիարդ դեղաչափ պատվաստանյութ հասցնել:

Չինաստանը միանում է մոտ 168 երկրներին, որոնք արդեն հայտարարել են COVAX-ին մասնակցության մասին:

COVAX-ը համատեղ գլխավորում են GAVI պատվաստանյութերի դաշինքը, ԱՀԿ-ն եւ CEPI-ի կողմից:

Չինաստանում առնվազն չորս փորձարարական պատվաստանյութ գտնվում է կլինիկական փորձարկումների վերջին փուլում: