«Սա նշանակում է, որ նախորդ իշխանությունները չեն բացառել տարածքների վերադարձը և դա շատ հարմար է եղել Իլհամ Ալիևին: Դրա մասին բազմիցս խոսել է նաև Սերժ Սարգսյանը: Հայ ժողովուրդը միայն պետք է ուրախ լինի, որ Նիկոլ Փաշինյանն Ալիևի համար հարմար բանակցող չէ»,- պատասխանելով հարցին, որ Ալիևը հարցազրույցում ասել է՝ նախորդ իշխանությունների օրոք առաջընթաց ունեին բանակցությունների շուրջ, իսկ Նիկոլ Փաշինյանի հետ բանակցություններն ավարտվել են այն պահից, երբ վերջինը հայտարարել է, որ «Արցախը Հայաստան է և վերջ», ասել է ԱԺ փոխնախագահ Ալեն Սիմոնյանը:

Բանակցություններին վերադառնալու հնարավորության հարցի վերաբերյալ Ա. Սիմոնյանը պատասխանեց, որ դեռ վաղ է այդ մասին խոսելը. «Որևիցե միակողմանի զիջում՝ տարածքներ և այլն, որի մասին խոսվում էր նախկին իշխանությունների կողմից, նման բաներ չեն քննարկվում և կարծում եմ՝ չեն էլ քննարկվի»: