ՄԱԿ Մարդու իրավունքների Գերագույն հանձնակատար Միշել Բաչելետը Լեռնային Ղարաբաղի հակամարտության կողմերին կոչ է արել հետևել մարդասիրական իրավունքի նորմերին, թույլ չտալ վնասներ հասցնել քաղաքացիական բնակչությանը և ենթակառուցվածքներին։

«Ռազմական գործողությունների ընթացքում կողմերը պետք է պահպանեն համաչափության սկզբունքը։ Զերծ մնան բնակելի շրջաններում լայնամասշտաբ ոչնչացնող ուժ ունեցող պայթող զենքեր օգտագործելուց»,- ասված է Բաչելետի տարածած հայտարարության մեջ։ Փոխանցում է Tass.ru-ն։

Նա նաև անհանգստություն է հայտնել ստացված տեղեկությունների մասին առ այն, որ օգտագործվում է կաստելային ռազմամթերք․ « Նմանատիպ ռազմամթերքի օգտագործումը պետք է անհապաղ դադարեցվի»,- նշել է Բաչելետը՝ կոչ անելով կողմերին միանալ Կաստելային ռազմամթերքին վերաբերող ավելի քան 100 երկրի կողմից վավերացված կոնվենցիային։

ՄԱԿ Մարդու իրավունքների Գերագույն հանձնակատարը նաև նշել է՝ անհանգստացնող է այն փաստը, որ ռազմական գործողություններն ընթանում են կորոնավիրուսի համաճարակի տարածման փուլում՝ զգուշացնելով, որ մարդկանց բուժօգնություն ստանալը կարող է դժվար դառնալ։