Ադրբեջանի ԱԳ Նախարար Ջեյհուն Բայրամովն արդեն Մոսկվայում է: Այս մասին հայտնում է ՌԻԱ Նովոստին՝ հղում անելով Flight Radar-ի տվյալներին:

Մոտ մեկ ժամ առաջ Մոսկվայում վայրէջք էր կատարել նաև ՀՀ ԱԳ նախարար Զոհրաբ Մնացականյանի օդանավը:

Ավելի վաղ ՀՀ ԱԳ նախարարությունը հայտարարություն էր տարածել, որում մասնավորապես ասված էր.

ՀՀ ԱԳ նախարարը մեկնում է Մոսկվա, որտեղ կայանալու են Հայաստանի, Ադրբեջանի և Ռուսաստանի ԱԳ նախարարների խորհրդակցությունները: Ըստ ՌԴ նախագահի կոչի՝ օրակարգում բացառապես ռազմական գործողությունների դադարեցման, հումանիտար նպատակներով դիակների և գերիների փոխանակման հարցերն են: