Ադրբեջանի գործողությունները դատապարտելու կոչով Գյումրին կդիմի 20 քույր քաղաքների ղեկավարությանը
Նյութական ու ֆինանսական աջակցություններից բացի, քննարկումը տեղափոխվեց մեկ այլ հարթություն։ Ավագանու անդամ Լևոն Բարսեղյանն առաջարկությամբ հանդես եկավ՝ պաշտոնական փաստաթուղթ ուղարկել Գյումրիի բոլոր 20 քույր քաղաքներին և կոչ անել պետություններին դատապարտել Արցախի հանդեպ Ադրբեջանի սանձազերծած մարտական գործողություններն ու պահանջել դադարեցնել անօրինական զենքի կիրառումը խաղաղ բնակչության դեմ։
«Սա կոչ է մեր քույր 20 քաղաքներին դատապարտել էս ագրեսիան և դիմել իրենց պետական իշխանություններին, որպեսզի փոխանցեն այս մտահոգություններն ու կոչ անեն բոլոր հնարավոր դիվանագիտական և մարդասիրական ջանքերը ներդնել՝ դատապարտելու Ադրբեջանի սանձազերծած այս պատերազմը և հնարավորինս արագ վերականգնել խաղաղությունը տարածաշրջանում»,- նշել է Լևոն Բարսեղյանը։
Առաջարկն ընդունվեց միաձայն։ Պաշտոնական փաստաթուղթը կթարգմանվի 20 լեզուներով, ինչից հետո այն կուղարկվի քույր քաղաքների ղեկավարներին։
