Ֆրանսիայի իշխանությունները գերությունից ազատել են հայտնի իրավապաշտպան Սոֆի Պետրոնենին: Այս մասին  Twitter -ի իր միկրոբլոգում գրել է Ֆրանսիայի նախագահ Էմանուել Մակրոնը:

Ավելի վաղ ԶԼՄ-ները հայտնել էին, որ իրավապաշտպանին իրենց մոտ պահողների պահանջով, Մալիի բանտերից ազատ են արձակվել մոտ 200 ահաբեկիչներ:

«Ֆրանսիացիներն անհամբեր սպասում են ձեր հետ հանդիպմանը, սիրելի Սոֆի Պետրոնեն: Բարի գալուստ»,- գրել է Մակրոնը և իր էջում 75-ամյա իրավապաշտպանի հետ լուսանկար է տեղադրել: Նրա հետ միասին գերությունից ազատվել են Իտալիայի քաղաքացիներ:

Պետրոնենը գերության մեջ էր գտնվում 2016 թվականից: Նա մալիական խմբավորումների մոտ գերության մեջ գտնվող միակ ֆրանսիացին էր: Հայրենիք վերադառնալուց հետո նա միանգամից ձեռնամուխ է եղել սովի դեմ պայքարի հումանիտար աշխատանքներում:

Ինչպես ավելի վաղ հայտնել էին ֆրանսիական ԶԼՄ-ները Ալ-Քաիդայի հետ կապեր ունեցող ահաբեկչական խմբավորման պահանջով այս շաբաթ Մալիի բանտերից ազատ է արձակվել 200 ջիհադիստ:

Մալիում անկայուն իրավիճակ է 2012 թվականից: Իսլամիստական խմբավորումները գրավել են երկրի հյուսիսային տարածքները և ինքնահռչակ Ազավադ անկախ հանրապետությունն են հիմնել:

2013 թվականին Ֆրանսիան զորքեր է մտցրել Մալի և տարածքները վերադարձրել է Աֆրիկյան այս պետության իշխանությանը: Դրանից հետո իսլամիստները պարբերաբար էթնիկ բախումներ են հրահրում: