Շուշիի կենտրոնում գտնվող Սուրբ Ամենափրկիչ Ղազանչեցոց Մայր տաճարի հրթիռակոծման հետևանքով վիրավորված և մարմնական վնասվածքներ ստացած օտարերկրացի լրագրողները և նրանց ուղեկցող խմբի անդամը  երեկ Ստեփանակերտի հանրապետական հիվանդանոցում վիրահատվել են։ Այսօր ուղղաթիռով երեք տուժածներն էլ տեղափոխվել են Էրեբունի ԲԿ, նրանց կյանքին վտանգ չի սպառնում։

Եկեղեցու ռմբակոծման հետևանքով վիրավորվեցին և մարմնական վնասվածքներ ստացան ռուսական լրատվամիջոցներից երկու լրագրողներ՝ «Офицеры России»-ի լրագրող Լևոն Արզանովը և «Сегодня.ру» պարբերականի գլխավոր խմբագիր Յուրի Կոտյոնոկը։ Վիրավորվել էր նաև նրանց ուղեկցողներից մեկը՝ Ռուսաստանի քաղաքացի Հրանտ Բալադյանը։ Այսօր նրանք ուղղաթիռով տեղափոխվեցին «Էրեբունի» ԲԿ։