ԱՄՆ նախագահ Դոնալդ Թրամփը հայտարարել է, որ աշխատում է այն ուղղությամբ, որ շուտափույթ կերպով հաստատի «Ռեգեներոն» ընկերության հակամարմիններից դեղամիջոցն ու Eli Lilly and Co ընկերության դեղորայքը, եւ դրանց մատակարարումը հիվանդանոցներ այդ միջոցներով նրա բուժման դրական փորձից հետո, նախագահի խոսքերը ներկայացնում է Reuters գործակալությունը:

Թրամփը նշել է, որ կարող էր չապաքինվել առանց դեղորայքի, որը նա ստացել է կորոնավիրուսի դեմ պայքարում, հաղորդում է ՌԻԱ Նովոստի-ն:

Թրամփը դուրս է գրվել հիվանդանոցից երկուշաբթի կորոնավիրուս ախտորոշմամբ երեք օր հոսպիտալացվելուց հետո: Չորեքշաբթի բժիշկները հայտարարել են, որ Թրամփի մոտ արդեն չկան COVID-19-ի ախտանշաններ եւ հայտնաբերվել են հակամարմիններ, սակայն չեն հրապարակվել նախագահի կենսական ցուցիչները, ինչպես դա արել են նրա բուժման ընթացքում: Թրամփի բուժող բժիշկը հայտարարել է, որ նախագահը կարող է վերադառնալ հանրային միջոցառումներին արդեն հոկտեմբերի 10-ին: