«Հաշվի առնելով աշխարհաքաղաքական իրավիճակը եւ տարածաշրջանում թուրք-ադրբեջանական տանդեմի գործելաոճը եւ մեր աշխարհագրական դիրքը, տեղն ու դերը՝ ապագայում էլ պատերազմները բացառել պետք չէ: Համենայնդեպս՝ ավելի լավ է պատրաստ լինել: Պատրաստ լինելու համար հարկ է հզոր բանակ ունենալ: Հզոր բանակ ունենալու համար մեզ ուժեղ տնտեսություն է պետք:

Ի՞նչ անել այս նպատակին հասնելու համար, ի՞նչ առաջնային քայլեր է պետք ձեռնարկել, ի՞նչ է ուղղություններ է անհրաժեշտ շեշտադրել: Մենք մեկ հարթակում միավորում ենք տարբեր տնտեսագետների՝ լսելու նրանց տեսակետներն ու առաջարկները: «ՀՀ»-ի այսօրվա զրուցակիցը տնտեսագետ Թադեւոս Ավետիսյանն է: Նա համոզված է, որ նեոլիբերալ մոտեցումները չեն բերել եւ չեն բերելու տնտեսական զարգացման այնպիսի մի մոդելի, որը, այո, կլուծի եւ՛ մեր անվտանգային հարցերը եւ՛ կստեղծի իրական հիմքեր կայուն զարգացման համար: «Սա փաստ է նաեւ մեր անցած ճանապարհով,- ասաց նա,- պատահական չէ, եւ շատ կարեւոր է, որ մեր Սահմանադրությունում Հայաստանի Հանրապետությունը հռչակված է իբրեւ սոցիալական պետություն, որը պետք է ունենա սոցիալական եւ տնտեսական կամք:

Այսինքն՝ շուկայական տնտեսական զարգացմանը զուգահեռ պետությունը պետք է ստանձնի եւ կարեւոր դերակատարը լինի սոցիալական խնդիրների լուծման եւ ներառական զարգացման համար: Սոցիալական պետության մոդել կառուցելուն մենք այլընտրանք չունենք»:

Տնտեսագետը շետում է, որ աշխարհաքաղաքական ռիսկերով, մեր այսօրվա վիճակով եւ նաեւ ապագա մարտահրավերներով պայմանավորված՝ պարտադրված ենք զարգանալ՝ պահպանելով մեր անվտագությունը եւ նաեւ պետությունն ու պետականությունը: Պետք է զարգանանք՝ չզիջելով մեր հիմնական անվտանգային պայմանները. «Մենք ոչ թե պետք է զիջենք անվտանգությունը ի նպաստ տնտեսական զարգացման, այլ ճիշտ հակառակը՝ տնտեսությունը իր ողջ ներուժով պետք է ծառայի անվտանգությանը…»»:

Արմենուհի ՄԵԼՔՈՆՅԱՆ

Նյութն ամբողջությամբ կարդացեք Հայաստանի Հանրապետություն թերթի այսօրվա համարում: