Հոկտեմբերի 10-ին Ռուսաստանի արտաքին գործերի նախարար Սերգեյ Լավրովը հեռախոսազրույցներ է ունեցել Հայաստանի արտգործնախարար Զոհրաբ Մնացականյանի և Ադրբեջանի արտգործնախարար Ջեյհուն Բայրամովի հետ: Այս մասին տեղեկացրին ՌԴ ԱԳՆ-ից։

Զրույցի ընթացքում կողմերը հաստատել են իրենց հավատարմությունը Լեռնային Ղարաբաղի հակամարտության գոտում կրակի դադարեցման վերաբերյալ հոկտեմբերի 9-ին Մոսկվայում երեք երկրների արտաքին գործերի նախարարների խորհրդակցությունների արդյունքում ձեռք բերված պայմանավորվածություններին և ընդգծել դրա խիստ պահպանման անհրաժեշտությունը: